នៅថ្ងៃទី១៣​ មិថុនា ២០២៥ ជាថ្ងៃទី២​ នៃកម្មវិធីបណ្តុះបណ្តាលជំនាញឌីជីថលសម្រាប់សហគមន៍ បានបន្តដំណើរការវគ្គទី៤​ នៅវិទ្យាល័យសុខ អាន សុបិណ ស្រុកគិរីវង់ ខេត្តតាកែវ ដែលមានសិក្ខាកាមចូលរួមចំនួន ៥០នាក់។

វគ្គបណ្តុះបណ្តាលនេះជួយបង្កើនចំណេះដឹង និងជំនាញដែលចាំបាច់សម្រាប់ជីវិត និងការងារនៅសម័យបច្ចេកវិទ្យា

- កុំព្យូទ័រមូលដ្ឋាន (Basic Computer)

- កម្មវិធីទូរស័ព្ទចល័ត (Mobile Apps)

- សុវត្ថិភាពឌីជីថល (Basic Digital Security)

វគ្គនេះជាវគ្គទី៤​ ក្នុងចំណោម ៨វគ្គ ក្នុងគោលបំណងលើកស្ទួយជំនាញឌីជីថលសម្រាប់សហគមន៍ និងបន្ថែមសមត្ថភាពឌីជីថលសម្រាប់យុវជន និងមន្ត្រីរាជការក្នុងមូលដ្ឋានស្រុកគិរីវង់ ដើម្បីអភិវឌ្ឍសហគមន៍ឲ្យមានការរីកចម្រើនជាមួយបច្ចេកវិទ្យា

• ការរៀបចំវគ្គបណ្តុះបណ្តាលនេះ ជោគជ័យដោយសារការដឹកនាំយ៉ាងឆ្លាតវៃ និងការខិតខំរបស់ថ្នាក់ដឹកនាំទាំងពីរ៖

- ឯកឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសនីយ៍ និងទូរគមនាគមន៍ និងជាប្រធានគណៈកម្មាធិការមូលនិធិកាតព្វកិច្ចសេវាសកល។

- ឯកឧត្តម សុខ សូកាន រដ្ឋលេខាធិការក្រសួងរៀបចំដែនដី នគរូបនីកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកគិរីវង់។

  → ការខិតខំប្រឹងប្រែងរបស់ឯកឧត្តមទាំងទ្វេ បង្ហាញពីការចំណាយពេលវេលា និងធនធានយ៉ាងច្រើន ជម្រុញឱ្យមានចម្រើនក្នុងការអភិវឌ្ឍមូលដ្ឋាន មានចក្ខុវិស័យច្បាស់លាស់ធ្វើឲ្យសហគមន៍ទទួលបានការអប់រំឌីជីថល ដែលជួយបង្កើតឱកាសសម្រាប់ការអភិវឌ្ឍន៍នាពេលអនាគត និងភាពរីកចម្រើនរបស់សង្គមជាតិ ។